「股市漁夫」創辦人莊志雄指，上星期都講過，最重要睇住10年期債息，其實一直都講緊，如果去到4.3厘至4.5厘，意味特朗普有TACO(縮沙)壓力，美國借咗咁多錢，總債務高達40萬億美元，當中10萬億美元要喺未來1年續期，所以佢唔可以比債息扯得太高。

Lewis又指，去年「解放日」之後，特朗普TACO最主要水平係4.5厘，今年初TACO水平係4.3厘，今次佢企硬咗一陣，但去到4.5厘前，佢已經TACO，依家好嘅地方係，伊朗態度冇咁強硬，特朗普話明日有嘢宣布，咁啱係「解放日」一周年，佢似乎好睇重呢兩件事，問題係個爛攤子就留咗喺中東，霍爾木茲海峽(Strait of Hormuz)係咪可以好似之前咁全開，2000萬桶石油運輸復常，佢估計，未來1年都好難，但情況係比之前好咗，可能有1000萬桶通過到海峽，需要由中東進口石油嘅國家，除咗要畀高油價，亦唔夠石油用，呢啲國家有機會影響返當地經濟。

【名家給力場】特朗普最睇重兩件事(上)

「股市漁夫」創辦人莊志雄認為，特朗普始終係一個生意人，每個舉動都會考慮到債市及股市，現時10年期債息處於4.3厘及4.5厘嘅關鍵水平，市場都憧憬美國及伊朗有偈傾，所以10年期債息有機會進一步回落至4.3厘。

佢續指，特朗普依家TACO會令多國投資者重新檢視係咪仲要買咁多美債﹐還是轉買資源比較好，而昨晚(24日)2年期美債拍賣反應係3年以來最差，呢個正正係主要原因。

Lewis續稱，聯儲局過往會參考2年期債息去做決策，現時已經高過聯邦基金利率，代表市場現正向聯儲局發出「加息」訊號。佢認為，當經濟周期向下，聯儲局又加息，就好似疫情前聯邦基金利率高於消費物價指數(CPI)嘅情況，令市場出現一個負實質利率，甚至經濟陷入衰退，加上市傳聯儲局內部認為失業率及通脹會持續上升，會帶嚟一定滯脹(Stagflation)風險，最終或對市場造成嚴重嘅負面攻擊，拖累美國甚至環球經濟。

【名家給力場】市場向聯儲局發出「加息」訊號？(上)

「股市漁夫」創辦人莊志雄認為，油價升10%會對新興國家嘅實質國內生產總值(GDP)增長率帶嚟負面影響，但由於巴西本身有出口石油，當地股市年初至今只係輕微回落，相對中國及俄羅斯市場可以睇高一線。

Lewis又提醒，投資者應留意多國股市表現，尤其南韓及日本股市，相關交易所買賣基金(ETF)升得勁，但亦跌得急，雖然A股冇乜點跌，但經濟會唔會受其他因素影響，都要再睇定啲。

【名家給力場】巴西股市唔怕油價Chok？(上)

「股市漁夫」創辦人莊志雄指，1月時已經講過，1月個市應該係OK，但2月之後就要小心，當時有好多人睇淡美元，其實都講過好多次美元似乎唔肯跌，同埋喺特朗普第1及第2次任期，頭280個交易日都係跌，但到某個時間就會升，而暫時都係咁，一升好多股市都會受壓，尤其是新興市場。

Lewis又話，3月開局當然係差，全球股市都要跌，新興市場相對跌得多，而之前升得勁嘅市場，例如南韓股市。佢續指，如果由2月開始計，金價升完再跌返落嚟，仍有約4%升幅，美元及美債都係升，所以2月係話畀市場知有人部署緊，而2月已經有Risk Off嘅跡象，因為...

【名家給力場】戰火下美股勁Chok唔易駕御(上)

「股市漁夫」創辦人莊志雄指，美股由上年開始已經跑輸其他市場，今年情況再差啲，指數亦冇乜表現，多個板塊都跌得好勁，尤其係「科技7雄」(Magnificent 7)、軟件股，依家只係靠半導體、軍工及防守股頂住個市，佢相信呢個情況會持續。

Lewis又話，依家嘅情況反映投資者開始將焦點放返喺估值上，亞太區股市、新興市場靠盈利增長推動股價及指數向上，而美股估值已經好貴，唔能夠再炒高，相比之下，亞太區股市、新興市場更加吸引投資者。

【名家給力場】美股靠3類股份頂住 (上)